နံနက်ခင်း
ကမှုးရှုးထိုးပြေးလာတဲ့ရထားကို
ဘူတာကဇက်ကြိုးလှမ်းဆွဲလိုက်တယ်
အရှိန်မသတ်တတ်တဲ့ငါလည်းပါ
လိုဘစက္ကူစွန်ကိုအမြီးဆွဲသူလည်းပါ
မှင်မောင်းဝတ်ဆင်ထားသူလည်းပါ
အမှားတွေကိုကျယ်ပြန့်ဖို့ကြိုးစားသူလည်းပါ
အိပ်ပစ်လိုက်..အိပ်ပစ်လိုက်
အ၀ိဇ္ဇာကိုငှက်သိုက်နဲ့ကြိုသောက်ပစ်မယ်
ငါ့ရင်တွေပြိုယွင်းဆွေးမြေ့နေပြီလေ
ဟောဒီမှာ
ပစ်ချခဲ့တဲ့စည်းမျဉ်းတစ်ခု
ငါ့ပခုံးပေါ်က ၀ိစိကိစ္ဆာတစ်ခု
လမ်းမှားလာတဲ့ဝင်ရိုးစွန်းတစ်ခု
သက်ပြင်းချတတ်တယ်
ဝပ်တွားသွားတတ်တယ်
KIOSK တွေကိုကြိုက်တယ်
အမဲလိုက်တတ်တယ်
ဟင့်အင်း
ငါသိလို့မဖြစ်ဘူး
ကြိုးနဲ့သီပြီးရောင်းစားပစ်မှာ
ဒီမနက်ခင်းတွေကိုမုန်းတဲ့စိတ်နဲ့။ ။
ရေချမ်း
မတ် ၁၇-၂၀၀၈
No comments:
Post a Comment