ဈေးသည်
တဆိတ်ကိုတအိတ်လုပ်မယ်
လျှာဖျားမှာပဲစည်းကမ်းရှိမယ်
အတိတ်ကအကောင်းတွေနှိုက်ထုတ်မယ်
အဆိုးဆိုရင်ကံပုံချမယ်
နောက်ပြောင်ခြင်းနဲ့စိတ်အဆာဖြေမယ်
ငွေရဖို့အားလုံးကိုစတေးမယ်
လောဘနဲ့ကျန်းမာရေးလဲမယ်
လူမှုရေးနဲ့ဂုဏ်တည်ဆောက်မယ်
ရုပ်ရည်နဲ့ရိုးသားဟန်ဆောင်မယ်
အပြုံးနဲ့သဘောကောင်းပြမယ်
ငါကလွဲရင်အားလုံးမှားတယ်
ငါမှားတာလောကြီးသွားလို့
မင်းမှားတာအရည်အချင်းမရှိလို့
ငါပညာမတတ်တာစီးပွားရေးအားသန်လို့
မင်းပညာမတတ်တာမင်းမိဘမကောင်းလို့
ငါယူတာယူသင့်လို့
မင်းယူတာလောဘကြီးလို့
ငါမလုပ်နိုင်တာငါ့အလုပ်မဟုတ်လို့
မင်းမလုပ်နိုင်တာမင်းညံ့လို့
အတ္တတွေရမယ်...အတ္တတွေရမယ်
ဟင်အင်း..ကျနော့်ကိုယ်ပိုင်မဟုတ်ဘူး
ဘေးကလူဆီက
စေတနာနဲ့ယူရောင်းပေးတာ
လာနော်..လာနော်
အတ္တတွေရမယ်။ ။
ရေချမ်း
ဧပြီ ၂၃ ၂၀၀၈
No comments:
Post a Comment